nangengealam

Posted on November 24th, 2008

Nakakatuwa yung bago namin staff dito sa hofis. Ansarap ipagsampalan ang talampakan ko sa fez niya. Tanungin ba naman ako, “Ate bakit wala ka pang asawa e malapit ka na mawala sa kalendaryo?” Bruha! At dahil hindi ko pa pinangarap magsuot ng orange, hindi pa kasi ako mestisa, kaya hindi ko sinaktan. Pero muntikan na akong pagdiliman ng paningin nung sundan pa ng, “Mahirap na kasing manganak pag matanda na.” Ok, now I consider orange as my peborit color. Abangan niyong nagba-blog ako sa loob ng kulungan sa mga susunod na araw.

Bakit ba ang pag-aasawa kailangan may age limit? Hindi ko talaga gets ang ugaling ito ng pinoy. Kasalanan to ng mga matatanda e. Sila ang may pasimuno kung bakit ang babae kailangan na mag-asawa bago tubuan ng maturity. Hindi naman ako nangenge-elam kung bakit ang mga lola ko noon e kumerengkeng na sa edad na katorse no. Hindi ko rin naman kinukwestiyon kung bakit nag-uumpisa pa lang silang gumamit ng pasador alam na nila paano gumawa ng bata.

Kanya-kanya ang pag-aasawa. Hindi yan binibigyan ng palugit o taning, hindi naman yun Cancer. Hindi rin yan lotto na swertihan at higit sa lahat hindi rin yun kanin na napapanis pag hindi kinain. Wateber. Basta yun.

Kaya dapat hindi nangenge-elam ang ibang tao diyan lalo na yung staff naming bente anyos na kulot na kabago-bago intrigera.

Nga pala kaya kami may bagong bruhang staff yun ay dahil nag-resign ang menggay. Wewento ko isa sa mga susunod kong post.

Filed under: layp, my five-pesos worth | 6 Comments »

weekend pagnilay-nilayan

Posted on October 18th, 2008

Sabi nila matalino daw ako, sabi ko naman swerte lang ako sa exams. Hanapin ang konek pls. lols! Hindi ko nakikita ang sarili ko bilang isang intelihenteng tao pero hindi ko din naman masasabi na bobo ako. Hahayaan ko na lang na ang tao magsabi nun, pero ako, hindi aamin. Magka-ubusan na ng kayamanan. Charing!

Hindi naman ako naniniwala talaga na may bobo sa mundong ito kahit na madalas kong pag-isipan na bobo ang ilang tao sa paligid ko. Hindi ko mini-mean yun, out of sheer annoyance chovarloo siguro kaya ko lang sila nilalait sa paguutak ko. Peeling ko lang kinulang lang sila sa common sense o tinamad mag-isip {kasama ako dun paminsan}. Oo na, nagpapalusot na naman ako.

Para sa akin hindi naman kasi nasusukat ang pagkatao sa talas o purol ng u-tak. Nasa dami ng salapi sa bulsa. Nandun yun sa kung paano mo gagamitin ang mga katangian mo ke fangit o maganda sa paghipo, pagkapkap at pagsalat sa buhay ng kapwa mo. It’s the goodness in you kumbaga {akala niyo it’s the thought that counts no? lol}.

Read the rest of this entry »

Filed under: layp, my five-pesos worth, pagnilay-nilayan | 28 Comments »

SONA the JOJITAH way

Posted on July 27th, 2008

Ano ba ang SONA? Para saan ba ang SONA? Anong silbi ng SONA? Hindi ako tanga, medyo nagtatanga-tangahan lang dahil sa totoo lang hindi ko talaga gets kung bakit kailangan pa nating mag-SONA e kahit ako kaya kong ienumerate ang lagay ng bansa natin ngayon. Hallleeeeerrrrr!!!! Look around! Look around! And see what I mean.
Hindi niyo kita? Pwes magsalamin ka. Hindi pa din? Ok let me explain further pagtapos sasabunutan kita ng walang humpay ha dahil, DUH! You’re denser than a condensed milk! Do I need a statistic? Naah! A few phrases will do the explaining.

~30+ ang kilo ng bigas
~+/- 60 ang gasoline
~ginto ang karne
~ginto ang gulay
~ginto ang isda
~unemployment galore
~poverty at its finest
~eat-all-you-can pollution
~ZTE
~Fertilizer Scam
~tragedies all over the country
~perpetual corruption

And to sum it all, MAS NIRERESPETO SI PACQUIAO KAYSA KAY PGMA.

O kita niyo na? Gets niyo pa? Good.

That’s all folks see you next SONA – THE JOJITAH WAY

Filed under: chovarloos!, my five-pesos worth, pagnilay-nilayan | 14 Comments »

summer post

Posted on March 28th, 2008

Dahil summer na hayaan ninyong magre-post ako. Ang galing diba? Ramdam na ramdam na talaga ang init ngayon, kung ibang init ang nararamdaman ninyo go and see your librarian. Echos! Ang post na ito ang isa sa pinaka-unang post ko. Peborit post ko ito. Pagkatapos ninyong mabasa at itatanong ninyo kung bakit. Sasagutin ko lang yan ng: “WALANG BASAGAN NG TRIP!” Read the rest of this entry »

Filed under: blog layp, layp, my five-pesos worth | 14 Comments »

Evat ako Highblood?!

Posted on January 29th, 2008

Kapuna-puna [sabi ko lang yun] na hindi ako masyadong nagkokomento sa mga political blogs o kahit na sa political entries. Ewan ko, umiiwas lang siguro ako sa highblood. Ang totoo pagdating sa pulitika jaded na ako, hindi ito yung bato ha. At minsan ayaw ko na din namang tunog na nagrereklamo dahil lang sa kunsumido ako sa lagay ng pulitika ng bansa e tamad naman ako at walang ginagawa para mabago yun. Para naman akong eng-eng nun diba?

Pero ngayon gusto kong magbigay ng opinyon dahil naiisipan ko lately na magpa-blonde at ayaw kong masabihang dumb blonde. Bagay ba sa akin ang blonde? O sige na, balik na lang tayo sa pulitika.

Ayoko ng mag-elaborate pa ng kung ano-anong kabulukan kasi baka macomatose aketch, madami pa akong paid opps na gagawin kaya isa lang ang irereklamo ko at talagang pinanggigigilan ko.

EVAT!

Hindi ko ma-gets kung bakit sa panahong ito kailangang magka-evat? Engeng na kung engeng, pero para sa aming hindi makapag-extra rice mabigat yun, as in heavy. Sabi nila evat ang sagot para sa lumalalang fiscal crisis, pwes! Ispel fiscal crisis with a capital P! ang hirap diba?

Ano? Luma na ba ang evat issue? Alam ko no! Talaga lang nanggigil ako pag naiisip ko ang evat na yan? Evat hindi kaya nila hulihin ang mga hindi nagbabayad ng tax? Evat hindi nila hulihin ang mga smugglers? Dahil ba may kasabwat sila sa gobyerno? Evat ba hindi nila masulusyunan ang lumalalang kahirapan dito sa Pinas? Evat ninyo binoto si Arroyo?!

Hmpt! Sabi ko na nga ba at maha-high-blood ako. Itutuloy ko na lang ito sa susunod, iinom muna ako ng Valium!

Filed under: my five-pesos worth | 4 Comments »

Introboys

Posted on December 1st, 2007

Anak ng balyenang may almuranas o! Akala ko pa naman magkakagiyera na sa Pilipinas. Tsk! Inihahanda ko pa naman na ang sampung kabang bigas at isang truck na de lata para sa pag-hahibernate ko kung sakaling magkagiyera man at magkudeta. Pero dahil false alarm ibabalik ko na muna ang bigas at de lata na kung sakali ay hindi ko alam kung paano ko babayaran.

Pero naloka aketch nung nakaraang Huwebes, paano ba naman humahangos ang boss kong porn-addict sa opisina at nagtatatalak ng “may kudeta!” na akala mo siya ang nagdeklara. Ako namang si gaga nataranta at sumilip agad sa internet nanginginig-nginig pa. Hano?! Sa Makati ulit?! At si Papable Trillanes agen?! Ewan ko ha, pero may pakiramdam na ako na gusto lang nilang pataasin ang halaga ng dolyares at alugin ang nunal ni PGMA.

Hindi naman pinatulan ng iba ang kudetatsina na ito na may motto rin yatang “World Peace” kaya ayun sukuan chovarloo ang nangyari matapos teargasin . Helloooo… Tear gas lang yun, e parang ganun na din naman ang usok sa Maynila. Hindi naman sa gusto kong magkagiyera-giyera no pero bakit ba may pakiramdam akong ang nagpasimula nito ay member ng Intovoys. Puro intro lang walang chorus! At atras betlog agad makaamoy lang ng tear gas. So disappointing. Oo na, sige na, World Peace na ulit.

Ano ba ang foint ko? May nagawa ba ang kudetatsina na flop na ito para sa sambayanang Pilipino? Hindi ko nagagawa ang parte ko bilang Pilipino, aminado ako dun and I’m not proud of it. Pero kung ako ang maghuhurumentado sisiguraduhin kong hindi masasayang ang effort ko with a capital E. Capital Echos!

Ok back to regular programming.

 

Filed under: my five-pesos worth, pagnilay-nilayan, tralala moments | 15 Comments »

Seryosohin ko naman

Posted on November 17th, 2007

Matagal-tagal na din mula nung huling gumawa ako ng matinong entry. Teka. Parang wala naman akong matinong entry *tawang demonyita*. Hindi ko nga alam kung may naibabahagi man lang akong makabuluhan sa mga nag-aabalang basahin ang mga talak ko dito. Totoo. May pakialam naman din ako sa aspetong yun no. Luka-luka at ¾ man ako maganda pa din, echos! O sige na seryosohan na. Seseryosohin ko muna itong entry na ito para maiba naman. Goodluck sa akin!

Dumadaan ako ngayon sa isang malaking turning point sa lahat ng turning point sa buhay ko. At sobrang ngarag na ngarag talaga ako kaka-analyze na nastre-stress na talaga ako. Ang hirap magdesisyon kung ano ang pipiliin mo, sa bagay na DAPAT mong gawin o sa hindi pag-gawa sa bagay na DAPAT mong gawin dahil HINDI KA NAMAN MAGIGING MASAYA.

Ang kumplikado ng buhay no? Mas kumplikado pa sa pinakumplikadong strap ng bra ko. Pero masarap pa ring mabuhay kahit puro kumplikasyon. Spice nga ata ng buhay ang kung ano-anong dilemma. Itetest at itetest ang character mo.

Pero ano nga ba ang pamantayan para maging isa kang mabuting nilalang dito sa mundong ibabaw na punong-puno ng ironies? Hanggang ngayon inaanalisa ko pa din. Masasabi mo na bang isa kang mabuting tao pag gumawa ka ng bagay na mabuti pero labag naman sa kalooban mo? Bayani ka nga sa paningin ng iba, pero paano naman ang pananagutan mo sa sarili mo? Mabuting tao ka ba pag ginawa mo ang DAPAT kesehodang labag sa paniniwala mo?

Sa kahuli-hulihan isa lang naman din ang sagot diyan. Masyado ng overrated kumbaga – NAGMAMAHAL ka kasi, at sa aminin man natin o hindi alipin tayo ng pagmamahal. Yun na yata ang habang-buhay nating hindi matatakasan, hanggat tao tayo.

Malabo ba? Ako din nalabuan. Pero yan ang tumatakbo sa utak ko ngayon. Kung na-gets niyo. Iisa ata ang pinagdadaanan natin.

*kinilabutan ka ba sa entry na ito? Pwes mag-Neozep na. ngek! Anong konek?!

—————————–

Filed under: my five-pesos worth, pagnilay-nilayan | 5 Comments »

« Older Entries