Seryoso, pasensiya at four entries short ako dito sa project ko. Alam ko wala kayong pakealam pero gusto ko pa ding magpaliwanag – na hindi talaga ako ubra sa ganitong plinanong kagagahan. Hahaha! Kaya nga spontaneity ang title ng blog na ito diba. Wow nakalusot. Hahaha!

Huling araw na ng July at pakiramdam ko naman 75% ng July ko ay naging masaya kagaya ng gusto kong mangyari. Pwede na yun, passing grade kumbaga. August na, kailangan ko na magmove-on at harapin ang bagong goal na – huwag magpatamad-tamad. Hindi niyo na naitatanong ang ganda ko kasing tamad. Gusto ko naman sana maging isang magandang masipag for a change.

Sana sipagin pa din akong gumawa ng entry. E eto ngang pinilit ko parang hindi umubra. Hahaha! E basta na lang. Gusto ko naman talaga mag-blog, ang dami ko lang topak na iniintindi sa buhay ko at higit sa lahat ako ang pinakamagandang topak na naimbento ng universe.

Keribells! Tuloy ang buhay. Salamat sa mga nag-abang ng kagagahan ko. E sana napangiti ko kayo at hindi nabwisit.

Kras ko si Guji Lorenzana. Wala ng paligoy-ligoy. Hahaha. E ang wapo-wapo kaya o. Baka mahimatay ako pag nakita ko yan sa personal. OA ako?

Dear Guji,

Just so you know, pwede kang maging donor ng semilya sa magiging future baby(ies) ko. Owkay? Buti na yung malinaw.

Labandfrenchkisses,

Jojitah

Ilang araw na din ako nakakaramdam ng pag-iisa. Oweano naming bago dun?! Lagi naman talaga ako mag-isa. E siguro dahil na din nalulungkot ako kaya namamagnify lahat ng issues ko. Keri na lang, kahit hindi nakakatulong ang gloomy na panahon sa bleakness na nararamdaman ko.

Shet na malagket! Ang drama ko. E sa yun yun e. Tapos namimiss ko pa ang tatay ko. Namiss ko kasing kumain ng enseladang pipino. E yun lang ang ka-jammin’ ko sa pagkain nun. Namimiss kong magkaroon ng kausap na totoong nakikinig. Yung may totoong interes sa nararamdaman ko. Yung pwede kong iyakan na pababayaan lang akong umatungal at yayakapin lang ako.

Ayoko ng ganito. Tumatakaw kasi ako pag nalulungkot ako. Sa pagkain ko ibinubuhos ang mga ka-shitan na nararamdaman ko. Sana bukas hindi na ako ganito. Pumapangit ako ng bongga. Paano ba i-eject ang sadness?

O siya eto na:

1. Makalyo ang kamay ko, parang nagko-construction worker ang ikinakabuhay.
2. Gustong-gusto ko ang amoy ng nail polish. Dun ata natuyo ang utak ko. Haha.
3. May malaki akong nunal sa may anit na trip kong ipahanap sa ibang tao.
4. Mahilig akong piktyuran ang legs ko. Parang inlab ako sa legs ko, hindi naman siya maganda pero gusto ko ang legs ko.
5. Allergic ako sa imported na lipstick.
6. Nagsisisi ako kung bakit hindi ko binoypren yung kaswela ko nung highschool na crush ko at crush din ako. Takot pa ako sa commitment noon. Hahaha.
7. Hindi ako ututin.
8. Mahilig akong gumawa ng to-do list pero wala akong natatapos.
9. Nagka-kras ako sa isang gwapong sangganong anak ng magbababoy na may kras din sa akin sa lugar namin noong araw. Hindi niya ko shinota dahil kagalang-galang daw akong babae. Nakakatawa no?
10. Salagubang ang pet ko noong bata pa ako.
11. Matanda na ako noong matapos ang kalituhan ko sa left and right.
12. Malakas ang boses ko. Ngayon ko lang narealize siguro dahil ganun dahil may pagka-bingi ako.
13. Limang beses na akong na-broken-hearted.
14. Gusto kong magsky-dive bago pumuti lahat ng buhok ko.
15. Fan ako ng Sheryl-Romnick labteam noong araw.
16. Pinangarap kong maging artista sa Taiwan at yan ay dahil sa kagaguhan ko sa F4. hahaha!
17. May itinatago akong sama ng loob kay Rachel Ann Go sa paglipat niya sa GMA.
18. Totoong malabo akong kausap hindi lang sa blog ako malabo pati sa totoong buhay.
19. Nabawasan na ang pagmamahal ko sa siomai.
20. Yung huling boyfriend ko nangaliwa. Oo, si manong yun. Para yan sa mga interesadong malaman ang dahilan sa likod n gaming hiwalayan.
21. Gusto kong maranasang sumabit sa jeep ng hindi hinuhusgahan.
22. Masarap akong magluto – sabi ko.
23. Expert na ako sa departamento ng unrequited love.
24. Mas gusto kong maglaba kesa mamalantsa.
25. Hindi na ako makikipag-date sa lalaking matangkad pa ako, saksakan ng korni.
26. Nagballet ako nung bata pa ako at dun natapos ang kasosyalan ko.
27. Pakiramdam ko maigsi lang ang buhay ko. Walang istir yan.
28. Magaling akong magtago ng sikreto kasi makakalimutin ako. Hahaha.
29. Adik sa masahe pero walang gustong magmasahe. I’m so kawawa.
30. Kasalukuyang inlababo. Hindi pwedeng landiin ang current status.

Walang celebration na nangyari dahil walang anju. Keri lang naman. Ibinili naman ako ng aking labing sister and her labing bezy ng ice cream cake na orgasmic sa sarap at nagdala ang jowa ng isa ko pang sister ng manok galing KFC. Solb na!

Masaya naman ako buong araw. Ninamnam ko naman ang pagiging trenta ko. Parang kagaya lang naman nung kakadisiotso ko pa lang. Akala ko kasi pag nagtrenta na magkakaroon ako ng special ability kagaya ng pagsipol sa pamamagitan ng tenga. Something like that. Wala naman. Bingi pa din ako at sabog-sabaw ang pag-uutak. Hahaha! Pero pakiramdam ko naman nadagdagan ng isang tabo ang kagandahan ko, regalo siguro ng universe sa akin para din sa isang tabong karma na naipon ko sa loob ng thirty years.

Thank you nga pala sa lahat ng umeffort bumati. Ayoko ng i-enumerate baka naman sabihin nila feel na feel ko ang greetings nila. Hahaha! Sincere man o hindi isang bonggang pasasalamat sa inyo my dearies sa lahat ng pagbati – mula facebook hanggang twitter, pati na din yung mga nagtext {kung mababasa niyo man ang entry na itech}.

Now that I am thirty I will be extra bitchy. Nasabi ko lang naman yan dahil rhyme at kewl pakinggan. Pero pwede na din sigurong pangatawanan baka sakaling bumagay sa pagkatao ko. Hahaha. Pero seryoso ang gusto ko talaga e to be much bolder and braver. Oha! Ambangis nun sheet. Sana magawa ko. Kaya yan!