salamat kumareng Anne Curtis

konti na lang may ganyan na din akong collarbone.

Sa pagiging instrumento mo para sa buhay ng blog kong ito. Araw-araw may naghahanap sa iyo at dito pinapadpad sa blog ko. Alam ko naman kung bakit sa dinami-dami ng blog na nandun ka ay dito sa blog ko lagi ka itinuturo ng search engines – yun ay dahil lamang ka lang sa akin ng limang hilod at tatlong conditioner. Seryusli, pwede tayong maging magkumare, magshopping ng sabay at 99.99% na kaiinggitan tayo ng mga makakasalubong natin. Isusumpa nila tayo sa kagandahang hindi naman nating kasalanang ibunudbod ni Bro sa ating parang galit siya sa vetsin.

Kabahan ka na nga lang Anne Curtis dahil hindi na ikaw ang nag-iisang Diyosa.