Hindi ko masasabi na politically aware ako. Makakategorya ako sa klase ng Pilipino na medyo-deadma-pero-reklamador. Haha! Ampangit pakinggan pero hindi ako magpapanggap na isang magandang babaeng makabansa - magandang babae lang. Politically jaded, yan ang description ko sa sarili ko pag napapagusapan ang politika. Totoo na hindi. Namulat lang siguro kasi akong may trauma sa political system ng bansa at mula doon natuto akong mandeadma, dumeadma at dumedeadma.

Pero kani-kanina lang habang kumakain ng pritong hita ng manok narealize ko dapat siguro oras na para gumawa naman ako ng maliit na kontribusyon para maisalba pa ang naghihingalong bansang ito. Hanep! Naging makabayan ba ako overnight?! Umeechos, chenniling at chuwariwap lang ba ako? Op kors not! Narealize ko na kung may maisasalba akong eggcells ko sa mga susunod na taon ng buhay ko dapat lang siguro na gawin ko na din ang parte ko bilang Pilipino para man lang sa {mga} magiging anak ko.

Kaya gagawin ko ang lahat para malaman ko kung sino ang sa palagay ko ang karapat-dapat na iboto sa 2010 election. Oh my gash! Mahirap na trabaho ang kumilatis ng mga kandidato sa ngayon. Trapo overload. Goodluck sa akin - sa atin. Maidilat ko sana mabuti ang dilat na dilat kong mata para naman makita ko ang dapat kong makita.

Boto ko, pag-iisipan ko. Boto mo, sana pag-isipan mo din. Boto nating lahat, sana maging mukhang pinag-isipan.

Bookmark and Share