noong ako’y nagpa-burjer
Dahil sa post ni Pareng Vhonne na ito naalala ko tuloy noong panahong naging burjer attendant ako. Burjer attendant yung tagatinda ng burjer sa 24hour burjer outlet. Oo, naging ganun ako noong araw sa isa na ngayong sikat ng 24hour burjer outlet na hindi ko na sasabihing sa Minute Burger dahil wala namang bayad ang pa-advertise nila sa akin.
Natutunan ko ang art ng multi-tasking sa pagtatrabaho sa isang burjer outlet. As in multi-tasking galore. As in. Isa pa, as in. Hindi pa kasi uso ang buy one take one achuchuchu na gimik ngayon ng mga burjeran, madami pang variety ng burjers ang kailangan mong imemorize at orasyunan bago ihain sa customer. Hindi pa mahal ang gasolina kaya di pa nagko-cost cutting ang mga burjer outlets para gawing sobrang simpleng burjer na lang ang tinda kagaya ngayon.
Hindi madali ang trabaho ng burjer attendants. Kailangan pang iinventory ultimong stick na ipinapanghalo sa kape, kulang na lang pati alikabok ipa-imbentaryo ng mga hinayupak. Lahat kailangan itara, at ini-expect nilang perpekto ka at maililista mo ang lahat. Pag nagsabay-saby pa ang customer parang gusto mo ng panawan ng ulirat sa pagkalito. Ang oras mo ng pahinga ay ang oras mo para humawak ng map. Kaya huwag na kayong magugulat kung nanggigitata talaga ang mga tindera ng burjer. Hindi yun parte ng qualification para matanggap, talaga lang nakakalosyang ang trabaho dahil kadalasan naman mag-isa ka lang sa isang outlet.
May mga customer pang saksakan ng apurado, parang kulang na lang pati paa mo gamitin mo sa pagluluto ng burjers. Meron namang saksakan ng angas lahat na lang mg pwedeng pintasan, pinintasan. Ansarap pasakan ng tig-limang jumbo straw yung dalawang butas ng ilong. Kaya kung sino man ang nagpauso ng kasabihang “customer is always right” I so hate him/her/whatever poreber.
Hindi ko lang talaga kineri yung compulsory kang maglako ng maliliit na burjer tatlong beses sa isang linggo at bumalik sa outlet na ubos ang tinda mo. Hindi ko maintindihan kung bakit kailangan talagang palabasin nilang ang burjer nila ay nanganganak at nagkakaroon ng maliliit na supling na kailangan ilako. Naalala ko pa noon na halos magmakaawa ako sa mga pinaglalakuan ko maubos lang ang tinda ko dahil nahihilo na ako, hindi sa init kundi sa amoy kong mabangis at makaka-cancer na ng lungs. Andiyan yung bolahin ko na ang mga tao na bagong luto yung lintek na burjerito na yun pero ang totoo hindi naman talaga siya lalamig dahil nakabilad sa arawan. Alam ko bad yun, pero ayaw ko naman magmukhang immigrant galing Africa.
Hindi din ako nagtagal sa pagiging burjer attendant hindi dahil hindi ko kinakaya ang trabaho kundi dahil pinagbintangan akong pumitik ng isang daan ng supervisor ko. Hindi ko kasi alam kung bakit kinulang ng isang daan yung ni-remit kong benta ko noong gabing duty ko na yun. Puyat, pagod at magdamag na nakibaka sa multong kinarir ang pagpaparamdam tapos biglang iinterrogate ka na kala mo sinanla mo yung outlet sa Cebuana. Hindi ko maintindihan kung bakit nawalan ng isang daan yung perang 50x ko atang binilang bago ko sinilid sa sobre. Ano yun magic? Gusto kong sikmuraan ang pitong buwang buntis na tiyan ng supervisor ko kung hindi lang ako talaga maka-anti-abortion.
Hindi na ako nakipagtalo, nagpeeling audition ko na lang sa MMK at nag-lakad akong umiiyak with matching punas the luha at mantika sa aking fez. Oh what a sight. Para akong basing bibi na umuwi. Hindi na ako bumalik at lalong hindi ko binayaran yung isang daang nawala, para ko na ding inaming ako ang pumitik ng isang daan no. Halllleeerrrr!!! Maganda lang ako pero hindi ako mamimitik ng isang daan.
Isa ito sa parte ng buhay kong kulang na lang ipa-kwadro ko at idisplay sa sala para naaalala kong magpaka-tao araw-araw. Yun bang tipong dadagok sa akin ng bonggang bongga pag may pagkakataon na nagpapaka-beeyatch ako. Alam niyo naman ako mahilig sa KEWL. Minsan kasi kewl ang pagkamahadera. Ching!
Pag minsan ngang naiisip kong kumain sa burjeran na iyon, natutuwa ako sa mga burjer attendants. Ngumingiti akong parang tanga kahit na ako pa yung pinagsusungitan nila sa sobrang kangaragan. Hindi yun dahil naaalala ko ang trabaho ko noong araw kundi dahil ayaw ko lang buhusan ng one-week-old-super-recycled na mantika ang burjer patty ng binibili ko. *wink*
diva. 80% babae - 20% bakla. echosera. mahadera. blue curlers. komikera. gandang walang maliw. chovarloo addict. chism person. world peace enthusiast. 1 3/4's na OA. stressed-out poreber. spontaneously sweet. walking disaster. mishaps princess. with golden heart. poreber inlabs. sorta-kinda-medyo feeling goddess. girl-next-window. reyna ng tralala. 
vhonne
on October 14th, 2008
oi… salamat sa pag mensiyon sa blog mo… ehehe…
sana naman wala akong nasabing masama dun sa blog ko about sa mga burger stand crew? wala nga ba? hehehe…
naiintindihan ko naman ung trabaho nio… kaso ung iba din kasi… sa panahon ngaun… tinutulugan lng ang trabaho katulad nung nakita ko…
pero… ganito na lang… “paburger ka na lang…”
“BURGER, BURGER, BURGER!”
vhonnes last blog post..Alak Pa
replytsina