usapang tsugihan

Kagabi naranansan ko na naman yung hindi ko maigalaw ang napaka-sexy [ching lang!] kong katawan at pinilit kong magising dahil any moment nararamdaman kong baka hindi na ako magising EVER. Hindi naman madalas mangyari sa akin yun pero sobrang nakakapraning tuwing magigising ka galing sa isang insidenteng akala mo ay hindi ka na magigising.

E paano na nga kung hindi na ako nagising? Given na yung mababawasan ang maganda sa mundong ito at given na din yung may iiyak at magluluksa dahil hindi naman ako parang isang surot lang na bigla na lang sumulpot sa mother earth. Ang gusto kong malaman ay kung ilan ang magpa-party at magpapamisa ng pasasalamat pag natsugi ang kagandahan ko?

Ang pangit isipin no, pero curious ako kung madami ba sila na parang may fireworks display celebration na magaganap sa araw ng libing ko. Isang magandang pagmumuni-muni ito hindi ba? Hindi yung ang bibilangin lang natin kung ilan ang malulungkot at magluluksa, pwede din natin ire-asses ang buhay natin sa kung ilan ang taong magsasaya pag nawala ka.

Narealize ko naman after ng nangyari sa akin kagabi na hindi pala ako aware kung madami ang namumuhi sa kagandahan ko. Hmmm.. Gawan ko kaya ito ng thesis? Lol! A ewan. Hindi ko pa naman alam kung anong mangyayari sa’kin pag nadedboltsina ako – kung magiging anghel, engkantada o diyosa. Nyahahaha! Mahaba pa ang buhay ko hindi pa matagal pa mangyayari yun, sa ngayon pagtiyatiyagaan ko munang maging DIVA.