Namiss kong gumawa ng topten anik-anik ko. Kaya eto na, ang nagbabalik na Jojie’s Top Ten Anik na galing sa aking mahiwagang banga.

JOJITAH’S TOP TEN WAYS TO HAVE A MERRY… GALO

10

Mag-social climb. Mag-seminar sa mudra kong si Reyna Elena.

9

Mag-gate crash sa mga xmas parties at magnakaw ng mga regalo.

8

Parinig 101. Magparinig sa kamag-anak, kaibigan at kakilala na kailangang-kailangan mo ng regalo at yun na ang magsasalba sa katinuan mo.

7

Mamanata sa lahat ng Santo lalo na kay Santa Klaws.

6

Salihan lahat ng gameshow at pagsasama-samahin ang napanalunan. Ibili lahat ng regalo para sa sarili mo. Siguraduhing i-gift wrap para ma-excite ka naman kahit papano.

5

Isumbat ang mga nagawang kabutihan sa kapwa.

Halimbawang Dialogue:

“Hoy kumare! Kung hindi dahil sa mga left-over naming ulam na de-klas na ibinibigay ko sa’yo e malamang malnourished na ang mga anak mo ngayon.”

4

Be extra friendly. Kung dati pinaliliguan mo sa kaplastikan ang tao sa paligid mo ngayon ilevel-up mo na at lunudin mo sila sa kaplastikan.

3

Mag-organize ng madaming xmas party kagaya ng College Friends Xmas Party, High School Barkada Xmas Party, Elementary Barkada Xmas Party, Katsismisan sa Subdivision Xmas Party, Suking Tinderas sa Palengke Xmas Party, at kung ano-ano pang party.

2

Kubrahin na ang mga regalo mo para sa birthday, anniversaries, monthsaries, house blessing,  at balentayms.

1

Mag-orasyon 3 beses isang araw bago magsepilyo.

Chant:

“Whammy… Whammy… Ayoko sayo! Whammy alis diyan! Gusto ko ng Regalo… Regalo… Regalo!”