Ang Marijuana, si Isagani X at ang Cancer

*Ang entry na ito ay housewarming gift ko kay Isagani X para sa bago niyang bahay.

Namiss ko ang nakakalerky at makabuhol utak na Ethical Issue ni Isagani X. Dahil siya ay nagbabalik at may bago na siyang bahay at hindi niya ako kinalimutan sa kanyang regular programming at dahil balak kong maging ina balang-araw at dahil na din wala akong maisipang entry ngayon nagising ang aking kamalayan kaya heto at join ako sa Ethical Issue chovarloo na itech.

ETHICAL ISSUE #005:JOY FROM MARIJUANA VS. PAIN BROUGHT BY CANCER

Kung nanghihina ka na dahil sa cancer, at ang makatutulong sa iyo ay ang marijuana (mapapaligaya ka, hindi mo mapapansin ang pagod, at mararamdaman ang matinding sakit dulot ng chemotherapy). Gayumpaman, sa paggamit ng marijuana malaki ang tyansang hindi mo maalala ang mga bagay bagay gaya na lamang ng mga “moments” ng paglalaro ng iyong mga anak. Alin ang mga sumusunod ang iyong mas pipiliin?

a. magmamarijuana, dahil ayokong makita ng mga anak ko ang aking kalagayan na malungkot, na pagod, at nararamdam ng matinding sakit.

b. hindi magmamarijuana, nang sa gayon, makikita ko ang kanilang paglaki, pagkilos, paglalaro kahit na ako ay manghihina

Alin nga ba ang mas masakit? Ang kaawaan ka, o, ang kaawaan mo ang iyong mga anak sa mga posibleng maganap?

Pasok sa banga ko ang:

b. hindi magmamarijuana, nang sa gayon, makikita ko ang kanilang paglaki, pagkilos, paglalaro kahit na ako ay manghihina

Una, Illegal ang Marijuana at kung pagiging ina at ina na lang din naman ang pag-uusapan mas kaya ko naman siguro maawa ang mga junakis ko sa mga paghihirap na daranasin ko kaysa naman pamarisan ako at maging adik balang araw. Waw pare diko keri yun. Ang sabi nga nila “The means doesn’t always justify the ends.”

Pangalawa, may Cancer na nga ako ayoko na magka-amnesia no! Parang ang fanet naman ng napagaan mo nga ang kalagayan mo hindi mo naman maalala ang moments mo with your love ones. E paano kung masarapan pa ko sa Marijuana at tuluyan na hindi maalala ang mga utaw sa buhay ko? Parang makasarili naman ata yun. Keri niyo yun? Ako hindi.

Panghuli, wiz ko type maging Marijuana diva.