Search
recent chuwariwaps
socializing 101
past chuwariwaps
kategor-yeah!
metathione
atm kunsumisyones
Posted on August 30th, 2007
At dahil payday, sugod mga kapatid ang drama ko sa nearest ATM machine para mag-withdraw ng milyones ko, echos! Maligayang-maligaya ako na ipinapa-obvious ko talaga dahil masasayaran na naman ng pera ang makakalyo kong mga kamay. Hindi ko pinansin ang malakas na ulan kahit na hanggang tuhod na basa ang mumurahin kong islaks, may I smile na parang may shoot ako ng commercial para sa close-up.
Pagdating ko sa ATM machine… Anak ng kapreng di maihi o! Andun na naman yung mga bespren kong nagnenegosyo ng sanla-ATM. Sandamukal na ATM ang pinagsasaksak sa walang kalaban-labang machine. Letsugas! Hindi lang ata 10 ang dala ng herodes, walang habag sa mga nakapila at higit sa lahat walang habag sa kagaya kong basang sisiw na umamot lang ng konting oras sa breaktaym para makuha ang sweldong pinakamimithi.
Umuusok na talaga ang bumbunan ko matapos gahasain ni mamang lending ang machine. Gusto kong pukpukin ng may katulisan kong takong ang bumbunan niyang tinamad tubuan ng buhok, pero dahil last two minutes nalang at aatungal na ang bell naming paos minabuti ko ng lang mag-withdraw ng milyones. Nangamba pa nga akong baka nilimas nadin ni mamang lending ang puri ni ATM machine. Salamat naman at may natira pa para sa’kin.
Bumalik ako sa opisinang bawas na ang excitement at joy-to-the-world kong drama.
Buti pa ang mga doggies na ito may mga disiplina, hmpt!
Filed under: i-rant mo jojie
7 Responses to “atm kunsumisyones”
Mag-Comment Galore
SOME KINDA-MEDYO KAPAREHONG POSTS-SLASH-ENTRIES
August 31st, 2007 at 3:14 am
haha kawawa naman yung atm machine, wasak na wasak na ang pagka babae nun( iyon ay kung babae ang atm machine), di bale nakuha mo naman sweldo mo e,,,,
pa canton ka naman! heheheheh
xiao!
replytsina
August 31st, 2007 at 3:20 am
hahaha…naka experience na din ako ng ganyan…sobrang tuwa ko kse akala ko ako na yun next in line, sus porbida man guid! 25 yata yung ATM na dala ni manong, payroll yata nila yun
replytsina
August 31st, 2007 at 11:31 am
Hahayy.. Meron talagang mga ganyan. Pero malay ba natin importante ba talaga ang ginagawa niya.
Sige na lang.. Breathe in, breathe out.. Kung di na talaga kaya, tapunan mo ng bato at tumingin sa ibang lugar. hahah
replytsina
August 31st, 2007 at 12:37 pm
hay, memories of pinas
dito chika na yang pag widthraw sa atm — kasi yung atm card mo accepted na sya as cash - basta andun yung datung ha! e kasi sa tin pati 50 pesos gustong ipasuka sa atm eh, hehe
replytsina
August 31st, 2007 at 3:11 pm
yan kasi ang problema ng mga tao, ubos ubos biyaya, nakatunganga hanggang katapusan. kaya nde pwedeng ma-delay ang sahod.
bisitahin mo naman ang aking munting sanktuaryo!
replytsina
September 3rd, 2007 at 12:24 pm
hahahaha!!! Hindi ko talaga maiwasan tumawa ng tumawa..
Sa lahat ng entry mo my dear jojitah isa to sa pinaka naaliw ko at pinaka gusto( sabagay lahat naman gusto ko)….
Tawa ko ng tawa. May punto ka naman talaga hahahaha….
replytsina
September 3rd, 2007 at 4:09 pm
Next time magdala ka ng lighter… tas sindihan mo na ung booth bago pa man matapos ung nag-wiwithdraw..
sometimes… being evil is fun!
replytsina