are you having a great time…

Pag kaya ko ng magluho at matuto akong magalit sa pera, pramis bibili talaga ako ng Magic Sing. Yung wireless microphone na madaming nakaprogram na kanta. Yung pang-videoke. Yung may score pagkatapos mong kumanta. Balita ko may updated version na ngayon ang Magic Sing, kinumpleto na nila ang selection ng kanta ni Manny Pacquiao. Huwwwaaaawww! Sulit na sulit pag nagkataon. [...para sa'yo ang laban na'to].

Kasama talaga ito sa plano ko dahil hindi niyo na natatanong mahilig ako sumayaw, charing!. Adik kasi ako sa videoke like every typical pinoy. O aminin… trip niyo din, wag na magpasosyal alam ko aliw din kayo sa videoke craze na ito. Kahit na parang palakang nirerepe ang boses napapakanta basta videoke na ang labanan, palakasan na lang ng boses para makakuha ng mataas na iskor. Bukod sa aliw din ang mga manyak sa mga babaeng nakatwo-piece na babaeng nagpapagulong-gulong sa buhanginan o kaya nagpapaikot-ikot sa puno.

Keri lang naman ang boses ko. Sa history ng videoke sessions ko ay hindi pa naman ako naiisyuhan ng temporary restraining order, kaya palagay ko may potential din akong maging videoke diva. Malay niyo magkaroon ako ng gigs sa mga sikat na bars sa Metro Manila.

Mahalaga sa pagvi-videoke ang choice of song, para ding sumasali ka sa mga singing contest sat tv, dapat yung babagay sa timbre ng boses mo, kundi laos ang iyong promising career. Pumili din ng kantang swak sa mood mo. Ang pangit naman kung kakanta ka ng FAME na parang namatay ang favorite mong pet diba.

Siyempre meron akong mga regular songs na kinakanta, ito yung mga unang hinahanap ko sa bible ng videoke at sobrang kabisado ko ng kantahin kahit hindi na ako mag-vocalize.

• Forever Blue/Cacai Velazques
• Friend of Mine/Odette Quesada
• All This Time/Tiffany
• Bitch/Meredith Brooks
• No More Rhyme/Debbie Gibson
• Breathless/The Corrs
• A Smile In Your Heart/Jam Morales

Kayo, ano ang peborit videoke songs niyo? Teka… matagal na itong gumugulo sa isipan ko. Ano ang tono ng:

ARE YOU HAVING A GREAT TIME